هدفك .. حكاية
بقلم /محمد هانى
كام مرة شوفت الضوء في نهاية النفق بعد كده بوم
لقيتها تهيؤات
تفتكر ايه ممكن يحصل لو كان عندك القدرة على التحليل الصحيح
ياترى حتلاقي أي عقبات تمنعك من النجاح
ولو الحكاية كده اعرف إنك مش لوحدك
Ø Ø Ø
الحضارة .. حكاية
التاريخ .. حكاية
الإنسان فيها مجرد مرايا .. مجرد صور لحكايات الآخرين
أحرص أن ترسم حكايتك بنفسك
الذين يعيشون بلا حكايات صدقني لا يموتون .. لأنهم ببساطة لم يولدوا !
Ø Ø Ø
أكيد في يوم ما بدأت في مشروع أو مهمة أو فكرة أو حتى جربت تخس وكلك نوايا حسنة وتقول لنفسك أنا حبدأ وأوصل لهدفي وتدخل حربك وبرده بوم
لقيت إنتكاسة غير متوقعة أو عقبات بوظت كل أحلامك
طبعا أحنا ما بنشوفش الحوداث والعقبات اللي في حياتنا على أنها حاجة مفيدة
طيب أزاي نتغلب على العقبات الغير مريحة والتي تظهر مفاجئة
Ø Ø Ø
وجدت العقبة الاولى وأغلبنا بيعملها إنه مفيش تعريف واضح للهدف بتاعنا
وضوح الهدف هو اصعب نقطة وتحديده في جملة ولا جملتين لما يكون عندك فكرة عايز تحققها
قبل ما تكمل قراية فكر لحظة أيه رغبتك الحقيقة
Ø Ø Ø
للعلم: أنت بنفسك عقبة لطريقك كن صادقاً مع نفسك
معظم الناس بسهولة أعترفوا بأن الخوف والشك هم العقبة الرئيسية التي تمنعهم عن رغباتهم وأهدافهم
طيب تعالى ركز معايا وخلينا أكثر تحديداً لتساعد نفسك وشوف أنت عادتك أيه
ما بتركزش
أهداف غير واضحة
مش عارف تبدأ منين
بتماطل
ما بتكملش
ما بتثقش في نفسك
متعلق بحاجة مش عارف تسيبها
بتفكر في نفسك أنك مش كويس
أصعب العادات إذا كان لديك الشعور بالفخر وما بتحترمش نفسك ولا أي حد وفاكر إنك عارف كل الأجابات
ممكن تلاقي عادتك ولو مش عارف أستعين بحد قريب منك تثق فيه
Ø Ø Ø
أخيراً تقبل الحقيقة بأن تغير عادتك قد يأخذ وقت
فلا تسمح لنفسك بأن تأثر عليك بالحديث الهدام وتصبح هي عدوك لهزيمتك
Ø Ø Ø
ركز على هدفك الواضح شايفه…
